47
Rabiot soedah moelai berkoewatir jang dia betoel betoel djadi waris, ada pirasat bagi dia jang dia aken tinggal dengan tangan kosong.
Toean Joramie soedah brapa hari di koeboer misan misanannja Rabiot jang tida pertjaja kasi tinggal Rabiot sendirian dalem itoe roemah poen tida maoe poelang kaloe belon semoewa selesih djadi dia orangpoen toenggoein itoe roemah sama sama Rabiot.
Pada soeatoe hari Joramie soedah anem hari di koeboer maka Rabiot fikir baiklah dia tanja tanja sama dia poenja notaris, dia pegi kasi taoe semoea dengan terang pri ke adaannja dan ia minta keterangan.
Djawabnja toean notaris; „Astaga toean Rabiot, akoe sendiri tida mengarti betoel apa jang telah kedjadian.
Apa toean notaris kira ada testament?
Akoe tida nanti heran kaloe soenggoe soenggoe ada tetapi akoe tida brani tentoein.
Abis toean kira apa baik akoe bikin.
Notaris berdiam memikirin sebentaran kemoedian katanja:
Apa kau kenal notarisnja toean Joramie.
Akoe tjoema kenal nama sadja.
Siapa namanja?
