46
pada orang miskin. Ini oeang lima poeloe riboe frank akoe trimain pada kepala distrikt jang laen, itoe lima belas riboe akoe misti bikin peritoengannja.
Joseph Rabiot tertjengang, tempo dia sedar dari kagetnja, ia berfikir. Kenapa ini semoea teroeroes begini roepa tentoe misti ada rahasianja. Kenapa Joramie lebi pertjaja orang laen, ia itoe boedjangnja, dari dia poenja misanan sendiri. Apa barangkali Henri Cordier, sekretarisnja Joramie tida taoe abis ini rahasia. Apa barangkali Joramie ada bikin testament jang Cordier tida taoe, barangkali djoega Joramie tida begitoe pertjaja sama Henri Cordier. Ach misti ada doerinja jang akoe tida taoe.
Ia tinggal memikirin halnja:
Apakah ada testament? kaloe ada kenapa tida di kasi liat? Di mana notaris? Apa dia tidoer? Kita orang di sini di tinggalin sadja sendirian Kaloe kita orang boekannja waris, kenapa orang tida kasi taoe sama kita orang? kenapa orang tida oesir kita orang pegi dari sini? Soenggoe akoe tida mengarti satoe apa, misti ada rahasia jang tersemboeni.
Tentoe itoe testament ada di dalem lemari besi sajang sekali jang akoe tida lekas dapet boeka itoe lemari besi. Ach tjoba akoe bisa boeka tentoe lama itoe testament soedah djadi aboe.
