48
Simoen.
O! akoe kenal dia, orang baik baik sekali bole di pertjaja betoel orangnja pande Dia paling terpake di ini kota. Akoe rasa paling baik toean tanja sama dia.
Rabiot lantas pegi ke roemah notaris Simeon.
Ini toean minta Rabiot doedoek, dia di bikin seperti orang baik baik di hormati sebagimana pantes dan toean notaris dengarin sadja tjeritanja Rabiot dengan tida di poetoesken atau di potong bitjaranja.
Setelah Rabiot soedah abis beromong, maka Toean Simeon berkata:
Ini hari Djoemahat tanggal 26 Maart Tanggal 29 hari Senen zegel nanti di tjaboet pagi antara poekoel sembilan dan poekoel sepoeloe. Abis angkat itoe zegel nanti orang toelis satoe satoe barang kepoenjaan toean Joramie ini pekerdjaan barangkali satoe minggoe lamanja memang akoe jang di oendjoekin, boeat mengoeroes ini boedel. Dari itoepoen ini hari akoe tida bisa bilang satoe apa apa, toean toenggoe sadja sampe hari Senen.
Dengan hormat sekali toean notaris njataken jang dia soedah abis bitjara, toean Rabiot bole poelang.
Malemnja Rabiot tjerita ini semoea pada misanan misanannja dia bilang nanti hari Senen baroelah ketaoean semoea.
