45
waris”. Ada jang bilang dia poenja moeka sadja melaga sedih atinja kegirangan, dan laen laen lagi. Joseph kira ini semoea perboeatannja Clement.
Pendeknja toean Joramie di koeboer dengan kabesaran soenggoe, boeat orang partikoelier.
Ini semoea boekan rawatannja Joseph Rabiot, semoea Clement poenja atoeran sampe Rabiot sendiri heran bagimana dia bole begitoe brani berboeat apa apa jang memboeang ongkos begitoe banjak dengan tida menanja doeloe sama dia Rabiot, waris dari toean Joramie, dari itoe dia menanja:
„Hei Clement apa kau bisa kasi taoe padakoe siapa jang soedah kasi koeasa padamoe boeat bekerdja begitoe?
Akoe djalanin titahnja akoe poenja toean jang meninggal.
Clement keloearin satoe patoeng kertas dari kantongnja katanja:
Inilah soerat jang tertoelis toean Joramie sendiri di sitoe ada terseboet satoe satoenja apa misti di bikin.
Abis doewitnja dari mana kau dapet?
Akoe poenja toean sendiri trimain padakoe lima belas riboe frank boeat oeroes maitnja, dia poen kasi akoe lima poeloe riboe frank boeat bagi bagi
