29
Rabioth poenja moeka merah, dia teramat marah, sebagi binatang jang boeas ia menerkam si boedjang toewa teroes di bantingnja ke dalem tempat tidoer dan di oeroet kantong kantongnja. Clement tida mendjerit dia tida berboedi.
Na! tida betoel akoe bade. Itoe kontji kontji ada di dalem zakoe rompinja Clement.
Rabiot lekas ambil itoe tiga koentji, dengan girang ia berseroe: Ach si bodo, si toewa bangka kerbo dia maoe paksa akoe aken rampas itoe kontji.
Clement djawab dengan soeara orang jang sabar.
Akoe poenja ati senang toean, sebab boekan akoe jang kasi itoe kontji padamoe. Toean sendiri jang rampas itoe dari akoe.
Ja, ati ati djoega, kaloe angkau laen kali brani tida dengar akoe poenja prentah. Djangan loepa jang akoe djadi toean di sini.
Belon toean?
Apa kata? Apa kau maoe bilang?
Akoe maoe bilang jang misanan misanannja toean Joramie belon di trima djadi waris. Tetapi djangan selempang. Apa bila toean Joseph Rabiot djadi toean roemah di sini tentoe soedah tida ada lagi Clement Baudoin di sini.
O! itoe tida mengapa orang tida nanti tahan padamoe.
