28
Soedah djangan banjak omong lagi, kasi kemari itoe koentji.
Clement tinggal diam.
Akoe maoe berkatalah Rabiot dengan soeara memerentah.
Clement gojang gojang kepala.
Ati ati, berkatalah waris itoe, djangan kau bikin akoe dapet sangka-an. . . . .
Apa toean?
Akoe sangka jang angkau pegang itoe kontji dengan niat jang djahat.
Clement djadi poetjat, serta katanja:
Toean djangan maoe bikin maloe sama akoe jang soedah bekerdja tiga poeloe lima taon pada toean Joramie dengan setia dan berhati loeloes, ingat betoel toean Rabiot.
Ach itoe semoea tida bikin akoe berobah sangkaan Kau poenja niat maoe mentjoeri tetapi akoe masih ada, mengarti? ati ati!
Toean Rabiot, kau poenja bitjara sebegitoe roepa sampe akoe tida merasa dirikoe maloe di katain orang seperti angkau.
Rabiot banting banting kaki.
Ajo, lekas kasi itoe kontji, bangsat. Mana dia, berkata Rabiot dengan marah. Barangkali ada di kantongmoe.
