30
Toean soedah tida maoe tanja apa apa lagi? bertanja Clement dengan soeara seperti orang mengganggoe.
Tida. Malem baik.
Malem baik toean toean.
Rabiot dengan Cordier pegi dari sitoe.
Tempo dia orang toeroen dari tangga maka katanja Cordier. Toean ada marah dan keloear nafsoe sedikit.
Kenapa? Satoe boedjang. . . .Memang begitoe misti di bikin sama orang orang begitoe.
Aai! toean, djangan marah, antara orang orangnja begitoe ada djoega jang patoet di endahin.
Ach toean Cordier, satoe satoe orang adatnja tida sama.
Tempo itoe doea orang soedah keloear dari kamar, maka Clement bermesem dengan angkat angkat poendak.
Katanja:
Akoe soedah doega jang tentoe aken djadi begini tetapi akoe tida njana jang dia begitoe keboeroe nafsoe, akoe kira besok aken kedjadian. Astaga itoe toean Rabiot soedah tida ada sabar lagi dia tida bisa toenggoe sampe toean Joramie soedah di koeboer. Allah, akoe mengarti maksoednja toean Rabiot jang
