27
jang koerang di pertjaja, kita tida bole taoe, dia kena penggoda setan dia boeka itoe peti dan bawa lari soerat soerat jang perloe.
O! toean djangan koeatir.
Ach, akoe poen memang tida koeatir, tetapi aken kasenangan atikoe maka itoe djoega akoe maoe pegang sendiri itoe kontji kontji lemari besi, kau taoe di mana adanja.
Toean!
Ja, memang kau taoe, akoe taoe tentoe jang kau bisa oendjoekin berkata Rabiot dengan semangkin asran, akoe minta, ja akoe prentahken padamoe lantas sekarang ini kau serahken itoe kontji.
Djangan goesar toean, djawab si boedjang toea dengan sabar, kaloe sandenja akoe dapet prentah laen dari jang di maoein toewan?
Prentah dari siapa?
Dari toean Joramie.
Toean Joramie soedah mati akoe warisnja sekarang akoe jang kau misti dengar.
Toean Rabiot, baiklah akoe kasi ingat pada toean jang kau boekan djadi akoe poenja toean.
Aai, aai! kau brani omong begitoe?
Akoe bitjara begitoe sebab pantes.
