26
Soedah djangan, biar akoe sadja pegi bangoenin dia. Bawa sadja akoe ke kamarnja, toean Cordier mari toeroet.
Sampe di kamarnja Clement di atas di tingkat nommor doea: orang ketok pintoenja.
Ada ada? bertanjalah Clement dari dalem.
Toean Rabiot ada maoe omong pada moe, berkata Cordier.
Pintoe kamar terboeka, dan Clement kasi djalan orang doea itoe aken masoek ke dalem.
Clement tida tidoer sebagimana di sangka orang. Tentoe, pena dan kertas jang ada di medja menjataken jang Clement lagi menoelis.
Clement, berkatal h Rabiot dengan soeara memboedjoek, akoe dateng maoe minta padamoe aken kasi taoe di mana ada itoe kontji kontji peti besi.
Ach, toean . . . . berkata si toewa dengan kaget.
Tadi toean Cordier sama akoe soedah tjari koeliling tida bisa dapet sebab perloe jang sedari sekarang itoe kontji ada di tangankoe. Toean Joramie soedah mati, orang tida bisa taoe apa aken djadi, akoe boekan ahli waris sendiri jang laen laen poen nanti dateng besok sabelonnja dia orang dateng wadjiblah akoe mengatoer lebi doeloe. Kau mengarti boekan? Di dalem roemah barangkali ada boedjang
