25
Akoe tjari koeliling tida dapet, akoe taoe tentoe jang itoe kontji kontji semoea soedah tida ada lagi di dalem kamar.
Kaloe tida ada di sitoe, di mana adanja.
Clement, toean Joramie poenja boedjang kamar tentoe dia jang simpen, sebab dia jang paling pertjaja
O! orang itoe akoe sekali kali tida pertjaja tjoba pegi liat dimana dia ada, toean Cordier?
Secretaris ini betoel maoe bediri pegi.
Lantas Rabiot bilang: „toenggoe sebentaran akoe ikoet.
Di kamar depan dia orang dapetin ada hofmeester dengan lagi lima orang boedjang jang laen.
Akoe tida liat Clement, berkatalah Rabiot.
Ada satoe djam dia soedah pegi berkata hotmeester.
Kemana peginja?
Ke kamarnja.
O! dia tentoe pegi tidoer, berkata toean Cordier.
Bole djadi, sebab dia tentoe mengantoek ini bebbrapa malem dia djaga toean antero malem.
Kaloe begitoe di misti bangoen berkatalah Rabiot dengan asran. Akoe misti bitjara dengan dia ini malem djoega.
Baik nanti orang panggil padanja.
Doktor Maugars
3
