118
Kerdjaan jang pertama.
Sjah dan Lucien Morel tra laen hanja kesoesahannja nona Eugenie Lureau djoega jang dia fikirin, dan bagimana ia misti tjari akal boeat menoeloeng itoe nona dengan lekas.
Lucien fikir gampang sekali aken toeloeng sama njonja Lureau dengan anaknja. Kaloe dia minta sama graaf de Soleure atau pada Georges Ramel atau pada istrinja Georges Ramel, Lucien poenja soedara piara, lantas dia orang tentoe toeloeng.
Tetapi Lucien fikirin lebi lama maka dia rasa terlebi baik aken djangan omong omong sama orang laen. Boeat apa minta toeloengan orang laen kaloe dia bisa menoeloeng sendiri?
Adapoen kasiannja Lucien boekan kasian sadja, ia merasa dalem ati jang dia tjinta sanget sama nona Eugenie jang baroe dia kenal bebrapa djam lamanja, tetapi tingkanja dan adatnja itoe nona membikin dia sanget tjintain Eugenie.
Belon pernah Lucien dapet pengrasaan sebegitoe roepa di dalem atinja baroelah ini katjintaan itoe timboel dengan keras.
