117
Ach seperti biasa, tetapi akoe rasa nona soedah kataken apa apa jang tida enak sebab dia marah betoel, akoe belon taoe liat dia begitoe marah.
Njonja kenal akoe boekan, apa njonja kira akoe bisa katain atau bikin maloe orang?
Betoel tetapi akoe tida mengarti kenapa dia begitoe marah. Akoe poen tjoba omong baik dari nona dan mama tetapi dia tida mape dengar malahan akoe dia moe oesir kaloe akoe brani omong baik dari nona dan mama.
Mama toelisin dia satoe soerat, ini dia akoe bawa ke post tetapi akoe tida harep sekali kali jang toean Rabiot aken trima permintaan mama.
Ach siapa taoe.
Akoe sih harep soedah tentoe.
Kaloe toean Rabiot trima tentoe dia tjaboet prentahnja.
Prentah apa?
Dia soedah kasi sama akoe doea rekening roemah kaloe hari Rebo tengari belon di bajar akoe misti bawa pada deurwaarder.
Ja sama akoe djoega toean Rabiot bilang begitoe. Kaloe mama tida beroentoeng apa bole boeat kau misti bawa itoe pada deurwaarder.
Eugenie pegi keloear.
