— 98 —
Sri Baginda adatnja lemes dan sanget setia, hingga ia tiada bisa mengarti apa rasanja sakit hati dan tiada maoe mengarti, nanti ada orang berboeat djahat padanja. Karadja’an Inggris soeda djadi sebagi satoe barang sakit jang melaenken bisa dibikin baek toempaken dara."
,Tapi Lord Monriss, akoe denger, ia soeda kalaken moesoe di bebrapa tempat, di Inverlashy, Auldone, Alfort dan Kilsyth. Orang bilang, ia madjoe ka deket wates Schotland boeat atoer, soepaja balatentaranja djadi satoe dengen balatentaranja Radja."
,,Betoel, njonja, tapi di deket wates ia ketemoe pada Lesly. Ia soeda kalaken moesoe lebi doeloe dengen dapet banjak keroesakan, bintangnja jang terangsoeda djadi goerem. Di Philippaught Montross poenja balatentara dapet keroesakan sanget besar, hingga apa jang masi ketinggalan dari balatentaranja ia lepas dan ia sendiri menjaroe sebagi satoe boedjang koeda dan lari ka Bergen di negri Noorwegen."
,,Allah nanti lindoengken padanja!" kata Permisoeri, ,,soenggoe soesa, tapi toch masi ada dikit senangnja djikaloe dapet kabar, orang orang jang setia dan adoe djiwanja boeat kita orang masi ada dengen slamet. Sekarang, Mylord, akoe soeda taoe keada’annja akoe poenja soeami ada dalem bahaja besar, akoe harep kau soeka tjeritaken apa jang kau soeda dipesen boeat sampeken pada akoe.“
,,Sri Baginda ingin,* kata de Winter, ,,njonja soeka tjoba tjari taoe, begimana Sri Ratoe dan Radja pikir tentang kita poenja Radja.
,,Kau sendiri tace itoe perkara tiada bisa diharep! Radja masi sanget moeda dan Sri
Doeapoeloe taon blakangan
