— 99 —
Ratoe adatnja lembek; di sini tjoema Mazarin jang oeroes sekalian perkara.."
—„Apa ia brani berboeat di sini sebagimana Cromwell soeda berboeat di negri Inggris ?"
—„O! begitoe tiada. Ia ada saorang jang tjerdik, tapi sanget tjoerang, brangkali ia soeda taoe mengimpi telah berboeat sala satoa kedjahatan besar, tapi ia tiada ada itoe kebranian. Cromwell dapet toendjangan dari parlement kadoea fibak, tapi Mazarin tjoema dapet toendjangan dari Sri Ratoe boeat lawan pada parlement."
—„Sabenernja itoe hal ada satoe alesan tjoekoep boeat lindoengken satoe Radja jang maoe dihoekoem oleh satoe parlement."
Permisoeri gojang kepalanja.
„Dari apa jang akoe sendiri soeda dapetken, Mylord, kata Permisoeri,„Kardinaal tiada nanti berboeat satoe apa dan brangkali ia nanti toeroet pada fihak moesoe. Akoe poenja keada'an di ini negri soeda dianggep djadi satoe kebratan, apapoela djikaloe Radja moesti dateng djoega! Mylord" kata poela Permisoeri dengen tersenjoem meringis,„sabenernja maloe boeat di tjeritaken; koetika moesin dingin kita tinggal di astana het Louvre dengen tiada ada poenja oewang, kadang kadang tada ada roti dan sringkali kita kepaksa moesti tinggal di dalem kamar, kerna tiada ada areng boeat bikin panas hawa dalem astana."
„Terlaloe !" treak de Winter, Poetrinja Hendrik IV, Permisoeri dari Radja Karel I dari negri Inggris! Kenapa njonja tiada minta pertoeloengan pada sala satoe orang bangsawan di kita poenja tempat ?"
„Ja, soeda, itoe perkara tiada oesa ditjeri-
