— 72 —
jang berkoeda, kamoedian ia hampirken toean prins jang soeda ada di atas koedanja.
,,Tjoba sekarang kau kasi itoe soerat pada akoe, toean," kata prins de Conde pada Raoul
Raoul seraken itoe soerat pada toean prins.
,,Djalan disamping akoe, toean," kata toean prins.
Prins de Conde kasi spoor koedanja dan iket les di kepala sela, kerna ia ingin goenaken kadoea tangannja boeat boeka dan batja itoe soerat dari hertogin de Longueville, koedanja dilariken menoedjoe ka Lens dianter oleh Raoul dan satoe barisan ketjil. Di depan iaorang ada keliatan orang kasi lari koedanja dengen kras, jai oe orang orang jang diprenta boeat panggil balatentara berkoempoel di La Bassee.
,,Toean" ia kata sasoedanja batja itoe soerat, dalem itoe melaenken ada kabar baek dari kau. Akoe tjoema ada satoe perkara jang maoe dibilang, jaitoe dari spa jang akoe soeda dapet liat dan denger, akoe pikir kau ada banjak lebi baek dari apa jang ditoelis dalem ini soerat.
Raoul manggoet.
Semingkin iaorang dateng deket pada Lens, swara meriam kadengerannja djadi semingkin njata. Toean prins tiada brentinja awasin tempat dari mana itoe swara ada kadengeran, ampir maoe dibilang ia tjoba boeat dapet liat apa jang ada kedjadian di sana, jang sekarang ada dihalangken dengen poehoen poehoen.
Kadang kadang idoengnja prins de Conde diboeka besar, sebagi ia maoe tjoba dapet baoe obat anapan jang lagi dipasang, sedeng kadang kadang, napasnja sengal sengal
