— 71 —
„Mari, toean,“ ia kata, akoe soeda dapet kenjata'an, kau boleh diadjak berem poek; besok kita nanti liat, begimana adanja dengen kau poenja kegagahan di waktoe prang.“
„Dan akoe, Monseigneur,“ maarschalk de Grammont menanja, apa moesti bikin ?
„Toenggoe di sini boeat trima balatentara jang dipanggil balik,“ kata to ean prins, brangkali sabentar akoe sendiri dateng kapalaken itoe balatentara atawa akoe kirim orang boeat kasi kabar pada kau. Doeapoeloe orang jang gaga dari barisan pendiaga soeda tjoekoep boeat anter pada akoe.“
„Sedikit sekali,“ kata maarschalk.
„Sampe tjoekoep,“ kata toean prins dan pada Raoul ia kata: Apa kau ada poenja koeda jang baek, toean Bragelonne ?“
„Akoe poenja koeda soeda kena ditembak moesoe tadi pagi, Monseigneur, akoe sekarang toenggang koedanja akoe poenja pengikoet, kata Bragelonne.
„Pergi di akoe poenja istal dan pili koeda jang kau kira baek,“ kata toean prins. Djangan maloe, pili jang kau kira paling baek. Brangkali kau perloe goenaken tenaganja itoe koeda ini sore, tapi besok pagi tentoe kau sanget perloe pada satoe koeda baek."
Raoul tiada oesa diprenta doea kali; ia soeda taoe prentanja orang orang jang pangkatnja lebi atas, apapoela djikaloe itoe orang ada toeroeran Radja, moesti lantes didjalanken dengen tiada ajal lagi. Ia pergi di istal, pili satoe koeda jang asalnja dari Andalousia, boeloe gambir, selaken sendiri dan preksa betoel tomnja, kerna Athos soeda sering pesen padanja ini satoe hal pada satoe perkara penting boeat satoe panglima prang
