— 73 —
sebagimana ia poenja koeda jang dikasi lari kras.
Tiada lama lagi itoe swara tembakan meriam soeda kadengeran begitoe njata, hingga tiada soesa disangkal lagi, iaorang paling djaoe tinggal kira kira satoe mijl lagi dari tempat di mana ada dimaloemken prang. Sasoedanja liwat di satoe tikoengan iaorang dapet liat doesoen Aunay.
Orang orang doesoen jang tinggal deket itoe tempat soeda djadi sanget kaloet; iaorang soeda dapet kabar dari hal soldadoe Spanjol berlakoe Banget kedjem pada rahajat negri; orang orang prempoean soeda lari lebi doeloe ka Vitry, tapi bebrapa orang lelaki masi ada ketinggalan di tempatnja
Koetika iaorang dapet liat barisan dateng, iaorang hampirken toean prins, sedeng satoe antaranja jang kenalken prins de Conde soeda kata pada toean prins:
„Och, Monseigneur, apa padoeka dateng boeat oesir itoe pendjahat bangsa Spanjol?“
„Ja“, djawab toean prins „djikaloe kau soeka oendjoek djalan pada akoe.“
—„Dengen senang hati, Monseigneur, di mana akoe moesti anter pada padoeka ?“
—„Di sala satoe tempat jang pernanja tinggi, dari mana akoe bisa dapet liat Lens dan tempat tempat jang berdamping padanja.“
—„Djikaloe begitoe akoe bisa oendjoek satoe tempat.“
—„Apa akoe boleh pertjaja pada kau? Apa kau ada saorang Frans jang setia dan tjinta negrinja?“
—„Akoe doeloe soeda toeroet maloemken prang di Rocroy, Monseigneur.“
„Ambil ini,“ kata toean prins dengen kasi satoe kantong berisi oewang, ambil boeat pe-
