— 66 —
Sedeng orang pergi ambil itoe moesoe jang dapet ditawan, toean prins menanja pada graaf de Guiche, begimana ia soeda dapet tawan itoe orang Spanjol dan siapa adanja itoe anak moeda.
„Toean,“ kata kamoedian toean prins pada Raoul, „akoe denger kau ada bawa satoe soerat boeat akoe dari akoe poenja soedara njonja de Longueville; tapi akoe dapet kenjata'an, kau lebi soeka poedjiken kau poenja diri sendiri, dengen kasi akoe satoe nasehat baek.“
„Monseigneur,“ kata Raoul jang moekanja djadi semingkin mera; „akoe tiada brani ganggoe, sedeng padoeka lagi bitjaraken satoe oeroesan begitoe penting, tapi ini dia itoe soerat.“
„Baek,“ kata toean prins, „sabentar kau boleh kasi akoe itoe soerat. Orang bawa dateng itoe moesoe jang ditawan dan kita moesti oeroes perkara jang perloe lebi doeloe.“
Itoe soldadoe Spanjol dibawa masoek dan dari roepanja orang dapet kenjata'an, ia soeda bekerdja lama pada balatentara; ia ada satoe matjem menoesia jang toeroet sadja maloemken prang pada fihak jang brani bajar padanja dengen tiada perdoeliken siapa dan bangsa apa jang ia moesti lawan. Dari wates ia ditawan ia tiada bitjara satoe apa, hingga orang blon dapet taoe ia ada bangsa apa.
Toean prins awasin padanja dengen tjemboeroean.
„Dari negri apa kau dateng ?“ menanja toean prins.
Itoe orang menjaoet dalem satoe bahasa asing.
„Zoo! zoo! roepa roepanja ia ada satoe orang
Doeapoeloe taon blakangan
9
