— 414 —
poenja harta satoe apa. Koetika tadi pagi akoe liat doea orang bangsawan, ridder dari Kouseband, akoe kata dalem hati: „ini hari akoe beroentoeng besar.“ Akoe telah bilang doea orang kerna biasanja toean du Vallon jang tiada perloe dapet lagi oewang, soeka seraken tangkepannja pada akoe.“
Mordaunt jang liat d'Artagran roepa roepanja bitjara teroes terang, soeda kena ditipoe, ia tersenjoem sebagi satoe orang jang dapet doega apa orang ingin dari padanja dan dengen manis ia djawab:
„Akoe lantes minta satoe soerat prenta sekalian dengen itoe soerat akoe nanti kirim oewang doea riboe pistol; tapi lebi doeloe akoe ingin kau seraken itoe doea orang pada akoe“
„Djangan,“ kata d'Artagnan, „stenga djem lebi lama toch tiada djadi apa boeat kau? Akoe saorang teliti, toean; biar kita oeroes ini perkara dengen atoeran.“
„Tapi toch akoe bisa paksa kau, toean,“ kata Mordaunt; „akoe ada djadi kepala dari ini barisan.“
„O, toean,“ kata d'Artagnan dengen tersenjoem manis; „maski toean du Vallon dan akoe soeda betjampoeran dengen kau, roepa roepanja kau blon kenal kita orang. Kita ada orang bangsawan toelen dan kau poenja sapoeloe orang, kita berdoea bisa bikin ringkes dalem sedikit tempo sadja. Demi Allah, toean Mordaunt, djangan oendjoek kau poenja kepala batoe, kerna djikaloe kau bantahan, akoe djoega djadi begitoe roepa dan akoe sanget tjerewet djikaloe orang bikin akoe djadi goesar, dan begitoe djoega adanja dengen ini toean du Vallon, sedeng kau moesti inget djoega jang kita telah
