— 415 —
diprenta oleh Kardinaal Mazarin jang ada djadi wakil dari Radja Frans. Oleh kerna itoe kita berdoea, oetoesan dari Kardinaal Mazarin, ada djadi djoega oetoesan Radja Frans, hingga kau tiada ada hak bosat ganggoe pada kita orang, sedeng generaal Olivier Cromwell jang boekan sadja ada djadi satoe kepala prang ternama, tapi ada djoega saorang jang mengarti peratoeran negri, nanti djadi satoadjoe d;oega dengen akoe poenja pikiran, maka baek kau minta sadja padanja itoe soerat boeat djadi ketrangan pada akoe. Itoa soerat toch tiada berharga satoe apa boeat kau dapetken.
„Ja, itoe soerat sanget perloe," kata Porthos jang soeda mengarti d'Artagnan poenja maksoed: „orang tjoema minta pada kau itoe soerat sadja, laen tiada."
Maski Mordaunt itoe koetika sanget ingin ambil dengen paksa orang orang jang ia ingin bawa pergi toeat dihoekoem dengen kedjem sebagi pembalesan atas pembeenoehan iboenja, ia soeda pikir apa jang d'Artagnan bilang paling blakang ada betoel, maka ia tiada djadi teroesken niatannja. Laen dari itoe tadi pagi Mordaunt soeda liat dengen mata sendiri jang ini doea oetoesannja Mazarin betoel betoel gaga dan sedeng ia tiada dapet taoe perhoeboengan apa jang ada antara ini ampat orang, Mordaunt kira d'Artagnan bitjara dengen sabenernja sadja dan lantes tiada djadi kwatir lagi.
Ia ambil poetoesan boeat minta itoe Boerat dan sekalian maoe bawaken oewang doea riboe pistol ang ia kira ada tjoekoep boeat djadi meneboes dari itoe doea orang.
Mordaunt naek lagi koedanja dan sasoedanja
