— 409 —
sebla loear; „lantes kau nanti dapet taoe begimana kau moesti berboeat; kerna ia jang dateng lari,“
— „Siapa?“
— „Mordaunt.“
Sabenernja koetika d’ Artagnan liat toedjoean jang dioendjoek oleh Athos, ia dapet liat saorang naek koeda jang dilariken kras menoedjoe ka itoe roema.
Itoe orang jang dateng betoel Mordaunt adanja.
D’Artagnan tinggalken sobat sobatnja dan boeroe Kaloear.
Porthos maoe toeroet padanje.
— Toenggoe di sini, dan djangan kaloear djikaloe kau blon denger akoe tepok tepok pintoe“
XXXI.
Koetika Mordaunt sampe di itoe roema ia dapet liat d’Artegnan ada berdiri di depan, sedeng bebrapa soldadoe bersendjata ada reba di roempoet Kebon pekarangan.
„siapa ada!“ treak Mordaunt dengen swara dalem lantaran napas tersengal, tjape oleh kerna lariken koedanja dengen kras; „apa itoe orang tawanan masi ada?“
„Ada, toean,“ menjaoet sergeant jang koetika dapet liat Mordaunt lantes berbangkit dan koempoelken orangnja serta kasi hormat.
„Baek, ampat orang boeat ambil dan bawa iaorang dengen sigra ka akoe poenja tempat.“
Ampat soldadoe sedia boeat djalanken itoe prenta.
„Apa?“ menanja d’Artagnan jang belaga bodo
