— 410 —
dan sanget heran; „apa akoe boleh dapet taoe ada perkara apa?“
„Akoe kasi prenta, toean,“ kata Mordaunt, „ampat orang moesti ambil itoe doea orang jang kita dapet tangkep ini pagi dan iaorang moesti dibawa ka akoe poenja roema.“
„Kenapa?“ menanja d'Artagnan; „djangan goesar, akoe tjampoer dalem kau poenja oeroesan, akoe ingin taoe apa sebab kau maoe berboeat begitoe.“
„Kerna iaorang sekarang djadi akoe poenja tawanan,“ menjaoet Mordaunt dengen angkoe; „dan akoe boleh berboeat dengen iaorang apa akoe soeka.“
„Toean idzinken akoe bitjara doeloe,“ kata d'Artagnan dengen belaga goegoep; „akoe kira kau doega sala, biasanja orang tawanan djadi kepoenja'annja orang jang dapet itoe moesoe Kau dapet waktoe jang baek boeat tangkep Lord de Winter, jang sebagimana akoe telah dapet denger aaa kau poenja oom; kau lebi soeka boenoe padanja, baek! tapi toean du Vallon dan akoe jang djoega bisa boenoe itoe doea orang, lebi soeka tangkep iaorang; itoe ada masing masing poenja pikiran sendiri.“
Mordaunt poenja bibir soeda djadi poeti.
D'Artagnan kwatir ini perkara boleh djadi lebi pandjang, maka ia tepok tepok pintoe.
Baroe sadja d'Artagnan tepok sekali Porthos lantes kaloear dan berdiri di pintoe seblanja d'Artagnan. Sedeng kakinja indjek batoe betoelan tenga pintoe kepalanja entoek di balok pintoe sebla atas.
Mordaunt dapet liat itoe tipoe.
„Toean,“ ia kata dengen ampir tiada bisa tahan mara lagi; „tiada goena kau tjoba tjega
