— 383 —
Bebrapa officier ada keliatan kaloear dari barisan dan bikin pata iaorang poenja pedang.
„Itoe perboeatan hiboerken sedikit akoe poenja hati," kata Radja, akoe dapet kenjata'an, tiada semoea djadi penghianat."
Itoe koetika ada kadengeran swaranja de Winter.
„Madjoe !' ia treaken.
Barisan jang pertama lantes madjoe, barisan jang kadoea toeroet dari blakang toeroen dari boebit. Satoe barisan kurassier jang sama ba. njaknja ada keliatan dateng di samping menoedjoe ka barisan jang pertama madjoe.
Radja oendjoek pada Athos gerakannja itos barisan.
„Sri Baginda, ini perkara soeda diatoer dan seandenja barisannja de Winter berboeat kewa- djibannja, ini perkara boleh toeloeng pada kita," kata Athos.
Itoe koetika soeda tiada bisa denger laen swara, melaenken swara tindakan barisan koeda lari dan de Winter treaken lagi:
„Pedang di tangan!"
Koetika denger itoe prenta sekalian pedang dari saroenguja dan keliatannja mengkilap di tjahja matahari.
„Kita djoega pedang di tangan, toean toean," kata Radja jang djadi girang liat itoe gerakan.
Tapi itoe prenta tjoema ditoeroet oleh Athos dan Aramis sadja.
„Orang soeda berchianat pada kita!' kata Radja.
„Toenggoe doeloe," kata Athos, brangkali iaorang tiada kenalken swara Sri Baginda dan menoenggoe prenta dari iaorang poenja kepala."
„Apa iaorang tiada denger swaranja iaorang
