— 382 —
kerna apa jang maoe dibitjaraken tiada perloe
Sri Baginda denger."
Radja tersenjoem dan minggir bebrapa tindak.
„Akoe maoe voorstel begini," kata Athos, ,kau poenja barisan kita petja bagi doea; kau kepalaken satoe barisan; Radja dan akoe kepalaken barisan jang kadoea; djikalos kita tiada dapet halangan kita menjerang bebareng dan teroes menjebrang di soengi Tyne dengen ambil djalanan tempat jang tjetek atawa dengen bernang. Djikaloe kita dapet halangan kau dengen kau poenia barisan moesti berklai sampe binasa sama sekali, sedeng akoe bawa Radja lari ka laen djoeroesan. Djikaloe kau poenja barisan toeroet prenta dan kita bisa sampe di tepi soengi Tyne, kasananja ada akoe poenja oeroesan."
„Naek koeda!" treak de Winter.
„Naek koeda !" Athos oelangken, semoes Boeda diatoer."
„Djikaloe soeda diatoer beres, mari kita madjoe, toean toean," kata Radja;,dan biar kita treaken treakannja orang Frans:,Montjole et Saint Denis !" Treakannja orang Inggris boeat madjoeken balatentara sosda digoenaken oleh banjak panghianat."
Iaorang naek koeda, Radja naek atas de Winter poenja koeda; de Winter naek koedanja Radja, kamoedian de Winter madjoe lebi doeloe, sedeng Karel diapit oleh Athos, dan Aramis djalan blakangan.
Seantero barisan Schot tiada brenti awasin apa jang Radja dengen ini tiga sobatnja lagi berboeat, dengen tiada bitjara satoe apa dan diam sadja, roepa roepanja lantaran merasa maloe.
