— 381 —
„Tjoba kita pandang moesoe poonja angkatan prang," kata Athos.
Matanja ini ampat orang lantes ditoedjoeken ka satoe djoeroesan, di mana tadi pagi koetika sinar matahari blon bertjahja terang iaorang soeda dapet liat satoe garisan item, tapi pada ini waktoe lantaran hawa cedara soada djadi terang, iaorang dapet liat satoe angkatan prang soeda diatoer beres dan sedia bocat menjerang moesoenja. Oleh kerna hawa oedara bersi, iaorang bisa liat teges apa jang ada keliatan di tempatnja moesoe, sampe pakean officier dan bendera keliatan njata warnanja. Di satoe tempat sebla depan barisan moesoe di tempat jang perpanja lebi tinggi ada keliatan satoe orang tinggi besar dan gemoek, ia ada dianter oleh bebrapa officier dan telah keliatan angkat ia poenja kijker jang ditoedjoeken ka djoeroesan, di mana ini ampat orang ada berkoempoel.
„Apa Sri Baginda kenal itoe orang?' menanja Aramis,
Karel tersenjoem.
„Itoe orang ada Cromwell," kata Radja.
„Kasi masoek kau poenja topi lebi dalem, Sri Baginda, soepaja ia tiada dapet doega kita posnja tipoe," kata de Winter.
„Tjilaka, kita soeda bikin ilang terlaloe banjak tempo," kata Athos.
„Djikaloe begitoe lekas kasi prenta dan kita brangkat," kata Radja.
„Baek kau jang kaloearken itoe prenta, Sri
Baginda," kata Athos.
„Tiada, akoe angkat kau djadi akoe poenja luitenant generaal," kata Radja.
„Tjoba denger, Lord de Winter," kata Athos,
„akoe harep Sri Baginda soeka minggir doeloe,
Doeapoeloe taon blakangan
48
