— 378 —
tapi nanti anggep itoe perkara sebagi satoe
kahormatan besar."
„Begimana kau pikir dari ini tipoe, de Winter ?" kata Radja jang dengen bengong awasin itoe doea orang Frans jang masing masing maoe bereboet boeat gantiken pikoel bahaja jang ada atas dirinja Radja.
„Menoeroet akoe poenja pikiran, Sri Baginda tipoe jang ridder d'Herblay soeda voorstel boleh berasil, menjaoet de Winter. Akoe minta dengen sanget renda, soepaja Sri Baginda ambil poetoesan dengen tjepet, kerna kita tiada ada banjak tempo lagi."
—„Tapi djikaloe akoe toeroet itoe voorstel, orang jang kena ditawan boeat akoe poenja diri tentoe tiwas djiwanja dan paling enteng ia tentoe dikasi masoek dalem pendjara. ant
„Tapi dengen itoe perboeatan ia dapet kahormatan soeda toeloeng Radjanja," kata de Winter.
Radja awasin sobatnja dengen mengembeng aer mata, boeka bintang Orde van den Heiligen Geest, satoe roepa bintang dari negri Frans jang Radja pake boeat kahormatannja itoe doea bangsawan Frans, tjantoem itoe bintang di dadanja Lord de Winter jang lantes tekoek kakinja berloetoet di hadepan Radjanja boeat trima itoe anoegrahan dan kapertjaja'an.ag.
„Ini perboeatan adil," kata Athos;ia soeda bekerdja lebi lama dari kita orang."
„Toenggoe doeloe, toean, akos djooga maoe bagi bintang pada kau orang, kata Radja.
Radja boska satoe peti, dalem mana ia ada simpen ia poenja barang permata dan kasi kaloear doea pita dengen bintang Kouseband.
