— 354 —
"Slamet toean de Beaufort !" bertreak itoe pendjaga pintoe kota.
Iaorang Jantes minggir boeat kasi ini doea Sobat liwat jane iaorang anggep ada prentahannja hertog de Beaufort.
Sasoedanja kaloear kota jaorang poenja perdjalanan diteroesken dengen kasi lari kras Keedanja dengen tiada perdoeliken satoe apa iaorang tiada kenal tjape dan roepa roepanja iaorang poenja koeda djoega soeka lari menoeroet toeannja poenja soeka.
Tjoema Mousqueton menjomel tiada brentinja, tapi lantaran ia pikir jang ia poenja does toean, seabisnja kedjadian itoe perkara oewang mas, Mouequeton anggep d’Artagnan djoega sebagi ia poenja madjikan, ada tahan lebi banjak sengeara dari ia, maka ia djadi trima sadja peroentoengannja.
Balatentara jang lagi maloemken perkara prang ada di satoe tempat jang pernanja diantara Saint Omer dan Lambe. Ini doea sobat menodjoe ka itoe tempat dan koetika iaorang sampe, banjak orang lantes minta dikasi ketrangan dari hal Radja soeda lari Kaloear kota Parijs, Kerna itoe kabar ada tersiar di sana, tapi orang blon dapet taoe betoel begimana doedoeknja itoe perkara. Jaorang dapetken Raoul ada di ia poenja tempat sendiri disatoe tenda dari lajar dan di sampingoja ada ia poenja koeda lagi makan roempoet kring. Raoul Keliatannja sanget sedi. Maarschalk de Grammont dan graaf de Quiche soeda pergi ka Parijs dan ini anak moeda keliataunja ada kasepian.
Koetika ia denger swara tindakan koeda djalan ia menengok dan awasin moekanja itoe doea orang jang dateng padanja; ia kenalken
