— 301 —
bisa berboeat banjak perkara besar.
„Kau tentoe mengarti, toean d'Artagnan," kata Mazarin, akoe minta kau poenja pertoeloengan ini sekali dengen niatan boeat tiada nanti loepaken kau poenja boedi besar."
—"Apa Monseigneur masi tetep niat begitoe?'
„Liat,” kata Mazarin dengen tarik tjintjin dari djeridjinja, „ini tjintjin doeloean kau poenja, pantes djikaloe ia balik lagi pada kau, akoe harep kau soeka trima ini barang."
D'Artagnan tiada toenggoe sampe di tanja lagi sekali, ia preksa apa intennja betoel jang doeloe dan tiada ditoekar dengen batoe dan sasoedanja ia dapet kenjata'an betoel inten, ia kasi masoek itoe tjintjin di djeridjinja.
„Sabenernja akoe masi soeka itoe tjintjin, tapi dengen senang hati akoe seraken itoe barang pada kau.”
„Dan akoe trima ini barang dengen senang hati djoega, Monseigneur. Mari sekarang kita bitjaraken Eminentie poenja oeroesan. Djadi Monseigneur maoe brangkat djoega lebi doeloe?”
—„Ja, akoe ingin begitoe.”
—„Pada djem poekoel brapa ?”
—„Djem poekoel sapoeloe malem.”
—„Dan Sri Ratoe maoe brangkat waktoe kapan ?”
—„Tenga malem.”
—„Djikaloe begitoe boleh, akoe anter Monseigneur sampe kaloear kota dan balik ambil Sri Ratoe.”
—„Baek; tapi begimana kau maoe anter akoe kaloear kota?”
—„Ini oeroesan Monseigneur moesti seraken pada akoe.”
—„Akoe kasi kwasa besar pada kau, dan
Doeapoeloe taon blakangan
38
