— 300 —
djadi ingin berboeat perkara jang koerang baek.“
„Itoelah lantaranja akoe maoe brangkat lebi doeloe,“ kata Mazarin.
D'Artagoan tersenjoem, ia soeda mengarti jang Mazarin maoe kaloearken satoe tipoe Italiaan. Mazarin dapet liat d'Artagnan tersenjoem dan kira itoe koetika ada satoe tempo jang baek boeat bitjaraken teroes ia poenja niat, maka ia kata :
„Kau tentoe anter akoe pergi lebi doeloe, toean d'Artagnan ?“
„Satoe perkara soesa, Monseigneur!“ kata d'Artagnan, sedeng moekanja keliatan sebagi orang jang kwatir tiada bisa djalanken itoe prenta.
„Tapi,“ kata Mazarin dengen tiada brentinja awasin moekanja d'Artagnan, „baroesan kau tiada bikin satoe kebratan koetika kita bitjaraken baroesan boeat anter Radja dan Sri Ratoe.“
― „Radja dan Sri Ratoe ada akoe poenja Radja dan akoe poenja Ratoe, Moseigneur, akoe poenja djiwa ada di iaorang poenja tangan, akoe wadjib bela iaorang dengen akoe poenja djiwa. Djikaloe iaorang minta akoe berboeat akoe poenja kewadjibap, akoe tiada bisa banta itoe perkara.“
„Itoe betoel,“ kata Mazarin dengen soeara plahan „dan kerna kau poenja djiwa tiada ada dalem akoe poenja tangap, akoe moesti beli doeloe kau poenja djiwa, betoel apa tiada ?“
Kamoedian dengen mengela napas Mazarin balik lagi mata tjintjinnja ka sebla depan.
D'Artagnan tersenjoem.
Dalem satoe perkara ini doea orag ampir sama kepandeannja, jaitoe dalem perkara tjerdiknja, seandenja Mazarin ada begitoe gaga djoega sebagi d'Artagnan, ini doea orang tentoe
