— 282 —
— „Pendeknja akoe tanja, djikaloe akoe pergi apa kau toeroet ?”
— „Akoe maoe tjoba.”
— „Kau poenja perkata’an bikin akoe djadi kwatir, Guilio, Apa toch jang kau boeat kwatir ?”
— „Banjak perkara.”
— „Perkara apa ?”
Mazarin poenja moeka jang baroesan keliatannja terang sebab ia bitjara dengen maen maen sadja sekarang keliatannja djadi koesoet.
„Anna,” ia Kata, „kau tjoema ada saorang prempoean dan satoe orang prempoean boleh hinaken orang sasoekanja, kerna boeat itoe perkara orang tiada nanti hoekoem padanja; kau bilang akoe ada satoe pengetjoet, akoe tiada begitoe kwatir sebagi kau, kau maoe lari, tapi akoe tiada. Kenapa orang brontak, pada kau apa akoe? Siapa iaorang maoe gantoeng, akoe boekan kau. Tapi akoe jang kau bilang ada satoe pengetjoet maoe berbanta teroes pada iaorang. Akoe tiada soeka bitjara sombong, tapi baek tinggal tetep berdiri di mana akoe ada. Toeroet akoe poenja toeladan dan djangan bikin begitoe banjak riboet, tjari satoe djalan jang bergoena. Kau bertreak, tapi kau poenja treakan tiada berasil dan sekarang kau bitjera dari hal lari !”
Mazarin angkat poendaknja, pegang Ratoe Anna poenja tangan dan toentoen ka satoe djendela.
„Tjoba liat!” kata Mazarin.
„Liat apa?“ menanja Ratoe Anna, jang lantaran pikirken ja poenja niatan tiada perdoeliKen apa ada kedjadian di sebla loear.”
_ „Apa jang kau dapet liat dari ini djendela ?
