— 281 —
jang heibat dan dengen tiada pake Kesian lagi.“
„ O! ja, ja prang !“ treak Anna van Oostenrijk ; „ja akoe maoe bikin ini kota, tempatnja orang peroesoehan djadi aboe sama sekali; apinja jang menjala akoe maoe sirem dengen dara; akoe maoe bikin satoe tjonto jang ngeri, soepaja selama Jamanja orang tiada nanti bisa loepaken ini perkara. Akoe gemes dan bentji Parijs !*
— „Begitoe, Anna kau djadi ingin toempaken dara! Baek baek, kita boekan ada pada masa Malatesta dan Castruccio Castracani; iaorang nanti bikin poetoes kau poenja kepala dan djikaloe sampe kedjadian begitoe, soenggoe sajang."
— „Kau ketawa boeat ini perkara ?“
— „Tiada, akoe tiada ingin digantoeng; akoe tjoema maoe Kasi inget pada kau, sanget berbahaja maloemken prang dengen rahajat dari seantero negri; tjoba kau liat kau poenja ipar Karel I, keada’anja sanget djelek.“
— „Kita ada di negeri Frans dan akoe ada saorang Spanjol."
— „Djoestroe itoe perkara bikin kita poenja keada'an djadi lebi djelek, per Bac cho, akoe lebi soeka kita ada bangsa Frans dan iaorang tiada nanti begitoe bentji pada kita.“
— „Tapi kau satoadjoe dengen akoe poenja niatan ?“
— „Djikaloe bisa didjalanken.“
— „Akoe tanggoeng ini perkara bisa kedjadian, kau moesti sedia boeat brangkat."
— „Akoe? akoe Selamanja sedia boeat brangkat, tapi Kau sendiri taoe, akoe tiada bisa pergi, saben saben ada halangan dan akoe. kira ini sekali djoega begitoe."
