— 278 —
oleh kita poenja mossoe, jang kasi ia nasehat koerang baek, sedeng djikaloe ia dipimpin oleh coadjutor, ja nanti bisa taos betoel kaperloean rahajat negri, dam boleh djadi ia tjinta rahajatnja.“
Itoe malem banjak orang masoek tidoer dengen pikiran bingoeng; besok paginja soeda banjak jang berpake mantel warna aboe aboe, soedagar soedagar djalan dengen bawa sendjata dan kosmpoelan pengemis Keliatan djalan di sapoeternja Kota.
Ratoe Anna van Oostenrijk itoe malem tiada tidoer, tapi berempoek berdoea dengen toean prins. Pada waktoe tenga malem toean prins dateng di astana dan pada djem poekoel lima pagi ia baroe kaloear.
Pada itoe djem djoega Ratoe Anna pergi di kamar toelisnja Mazarin, Sedeng Ratce Anna blon tidoer, Mazarin itoe koetika soeda bangoen, ia lagi doedoek di medja toelisnja boeat bales soeratnja Cromwell, ia telah berdjandji boeat kasi kabar dalem tempo sapoeloe hari dan dari wates ja berdjandji sceda berselang anem hari.
„Bah!“ ja kata dalem hatinja; ,akoe soeda kasi ia toenggoe, tapi Cromwell sampe taoe apa mengartinja pembrontakan, ia tiada nanti djadi goesar.“
Ia batja lagi soeratnja jang soeda sedia, itoe koetika ia denger soeara orang ketok pintoe dengen plahan dari djoerossan jang berhoeboeng dengen kamarnja Ratoe Anna. Oleh kerna itoe ia iantes bisa doega jang tioema Ratoe Anna sadja jang boleh dateng dari itoe pintoe, maka ia lantes berbangkit dan boekaken pintoe.
Matanja Ratoe Anna bertjahja sebagimana
