— 277 —
lebi baek kasi taoe pada hertog soepaja ia balik lagi sadja ka tempatnja semboeni; tapi sasoedanja berpikir sabentar coadjutor kata:
„Biar ia dateng sadja.“
„Apa blon abisan?" menanja Rochefort.
— „Toean graaf, kita baroe moelai“
— „Kenapa kau pikir begitoe?“
— „Kerna akoe kenal hatinja Ratoe Anna ; ia tiada maoe menjera kala.“
— „Apa ia lagi bikin sedia sala satoe perkara?“
— „Akoe harep begitoe.“
— „Bitjara sadja teroes terang, kau taoe apa dari itoe perkara?“
„Akoe dapet taoe ia soeda toelis pada toean prins boeat dateng dengen tjepet ka Parijs.“
„Begitoe! Begitoe!" kata Rochefort; "kau doega betoel; toean de Beaufort moesti. dateng di Parijs“
Sabenernja pada waktoe Rochefort dan coadjutor lagi bitjara toean prins soeda sampe di Parijs.
Hal ini laksamana poelang ka Parijs di anter oleh adjudantnja sadja, boekan satoe perkara di loear biasa, tapi toch itoe kabar soeda bikin orang djadi bingoeng; kabarnja dari njonja de Longueville, iparnja prins de Conde orang telah dapet denger bebrapa perkara jang ada berhoeboeng dengen niatannja Ratoe Anna.
Pada itoe sore djoega di djalanan soeda ada lagi orang orang berkoempoel boeat bitjaraken ini oeroesan, bebrapa orang jang deradjatanja tinggi djoega seperti pembesar kota, officier dari barisan pendjaga dan laen laen telah menanja satoe pada laen:
„Apa tiada baek kita tjoeri Radja dan kasi tinggal dalem astana laen? Sala sekali di rawat
Doeapoeloe taon blakangan
35
