— 269 —
perkata’an, hatinja djadi senang lagi dan dengen manis boedi ia kata:
„Njonje, pertiaja apa jang coadjutor telah kata, ia ada satoe dari orang orang jang pande dalem oeroesan negri; akoe kira pangkat Kardinaal jang bermoela terboeka moesti dikasi padanja.“
„O, kau sanget perloe akoe poenja toeloengan binatang!“ coadjutor pikir dalem hatinja.
„Apa jang ia nanti tiada brani berdjandji, apabila orang maoe boenoe padanja?“ d’Artagnan bisiken Porthos. „Setan, djikaloe begitoe gampang ia maoe angkat coadjutor djadi Kardinaal, besok kita minta diangkat djadi kepala dari satoe angkatan’ prang. Corbleu! djikaloe ini hoeroe hara bisa tinggal sampe satoe taon sadjalamanja, akoe brani tanggoeng jang akoe nanti mampoe pake satoe pedang dari mas.“
„Dan akoe?“ Porthos tanje.
„Kau? Akoe nanti angkat kau djadi maarschalk boeat pegantinja toean de la Mellerale, jang menoeroet akoe poenja pikiran tentoe tiada lama lagi nanti dipetjat dari djabatannja.“
„Djadi sasoenggoenja kau kwatirken ini gerakan rahajat negri, toean?“ Ratoe Anna tanja lagi.
„Sasoenggoenja, njonja," menjaoet coadjutor, sedeng ia djadi sanget heran Sri Ratoe blon sekali perdoeliken itoe perkara; "akoe kwatir djikaloe bendoengan aer soeda petja, itoe bahaja nanti bikin keroesakan besar.“
„Tapi akoe pikir,“ kata Ratoe Anna, „djikaloe sampe kedjadian itoe perkara, dengen gampang orang nanti bisa bikin bendoengan baroe. Kau boleh brangkat, akoe nanti pikir ini perkara.“
Coadjutor djadi bengong dan lantes ia awasin
Doeapoeloe Taon Blakangan
34
