— 268 —
tingka lakoenja tiada sebagimana, hingga coa djutor jang tiada mengarti itoe bahasa Spanjol kira Kardinaal tjoema kasi satoe nasehat sadja.
Lantaran itoe tegoran Ratoe Anna dengen kaget lantes beroba, sebagi ia djadi sedar seabisnja poeles; matanja jang mentjorot mera lantes djadi begimana biasa lagi, pipinja jang soeda djadi mera sebab maranja lantes dapet paras laen dan bibirnja jang lebi doeloe dibikin mengkeroet telah djadi tersenjoem manis. Sri Baginda djatoken dirinja doedoek di satoe korsi males dan lepas tangannja ka samping, kamoedian dengen soeara sebagi orang jang tahan soepaja tiada djadi menangis Ratoe Anna kata:
„Djangan goesar, toean coadjutor, kau tentoe mengarti akoe djadi sengit lantaran moesti dapetken ini roepa roepa perkara. Sebagi satoe prempoean jang biasanja hatinja lema, akoe djadi gemeter kwatirken perkara prang. Sebagi satoe Ratoe jang biasa bagi prenta, akoe djadi sengit lantaran orang moelai berbanta."
„Njonja," kata coadjutor dengen manggoet; sala sekali Sri Baginda anggep, nasehat jang akoe kasi dengen Basoenggoenja, sebagi satoe perboeatan berbanta dengen Sri Baginda poenja kekwasa'an. Rahajat Sri Baginda tetep tinggal merenda dan setia. Boekan pada Ratoenja rahajat negri sakit hati; iaorang tjoema minta Broussel dilepas lagi. Iaorang merasa sanget soekoer ada di bawa prenta Sri Baginda, asal sadja Broussel dikasi poelang."
„Koetika denger coadjutor berkata:„ Boekan pada Ratoenja rahajat negri sakit hati," Mazarin lantes pasang koepingnja lebi terang, ia kwatir coadjutor nanti berkata: „Boeang Mazarin!" maka koetika coadjutor tiada kaloearken itoe
