— 270 —
Mazarin. Kardinaal hampirken Ratoenja boeat bitjaraken lagi ini oeroesan, tapi itoe koetika kadengeran soeara ssnget rioe di lapangan depan astana.
Coadjutor tersenjoem, matanja Ratoe Anna bertjahja legi, Mazarin poenja moeka djadi poetjet.
„Ada apa lagi?“ ia tanja.
Sebagi boeat djawaban ia poenja pertanja’an, Comminges dateng masoek
„Djangan goesar Sri Baginda,“ kata Comminges jang hampirken Ratoe Anna, „itoe orang peroesoehan soeda desek barisan pendjaga sampe gepeng dengen tembok dan sekarang iaorang lagi paksa boeka pintoe astana: Sri Baginda maoe kasi prenta apa?“
„Dengen njonja,“ kata coadjutor.
„Soeara gledek dan oedjan angin atawa soeara goenoeng api meletos brangkali blon bisa saingin soeara riboet jang ada kadengeran dari sebla loear astana.
„Perenta apa jang akoe maoe kasi?“ kata Ratoe Anna
—„Tiada ada banjak tempo lagi“
—„Di astana ada brapa banjak soldadoe?“
—„Anem retoes orang.“
—„Taro saratoes orang boeat djaga pada Radja dan salebinja kau bikin bersi itoe kotoran.“
_„Njonja,“ treak Mozarin, „apa kau bikin?“
„Djalanken akoe poenja prenta!“ kata Ratoe Anna,
Comminges djalan sebagi satoe orang militair jang biasa trima prenta.
Itoe koetika ada kadengeran soeara sebagi satoe barang petja; satoe pintoe soeeda djadi roesak dan terbela doea.
