— 267 —
jang nanti boenoe padanja dan boeat itoe perkara akoe nanti dapet pahala dari Mazarin.“
„Diam toch!" kata Porthos, "tapi denger apa jang iaorang bitjaraken.“
„Njonja!“ treak Kardinaal dengen pegang dan tarik Ratoe Anna moendoer. „Njonja, apa kau bikin? Kamoedian ia kata dalem bahasa Spanjol: „Apa kau soeda djadi gila, Anna? Kau satoe Ratoe maoe bikin riboet sebagi satoe prempoean anak negri! Dan apa kau tiada mengarti jang ini satoe padri ada wakilnja sekalian pendoedoek kota Parijs; jang pada ini waktoe ada sanget berbahaja bagi kau boeat bikin itoe orang orarg djadi semingkin mara dan djikaloe ini padri soeka dalem tempo satoe djem lagi kau nanti dioesir dari tachta Karadja’an? Laen kali boleh kau kras tetep pegang kau poenja keinginan, tapi ini hari kau moesti bisa memboedjoek dan bitjara manis, djikaloe Kau tiada bisa berboeat begitoe, kau ada sebagi satoe prempoean rahajat negri sadja.“
Koetika Kardinaal baroe kaloearken sedikit perkata’an dalem bahasa Spanjol, d’Artagnan pegang tangannja Porthos dengen kras dan sasoedanja Mezarin brenti bitjara, d’Artagnan kata:
„Djangan sekali kau bitjara pada Mazarin jang akoe mengarti bahasa Spanjol, Porthos, itoe perkara boleh bikin akoe djadi tjilaka,“
„baek,“ kata Porthos.
Mazarin jang pande bitjara Italiaan dan Spanjol ada lebi pande menjataken ia poenja pikiran djikaloe ia bitjara dalem sala satoe dari ini doea bahasa, dari pada djikaloe ia moesti bitjara dalem bahasa Frans, maka pada waktoe ia kasi tegoran begitoe pedes pada Ratoe Anna,
