— 257 —
nja. Kau soeda poelang dengen slamet, itoe jang akoe harep; boekan sadja akoe merasa senang hati dengen ini perkara, tapi akoe maoe bilang djoega pada kau, slamet dateng.”
„Ja, njonja, tapi akoe poelang dengen slamet lantaran satoe perdjandjian, jaitoe akoe berdjandji boeat sampeken pada Sri Baginda kemaoeannja rahajat negri.”
„Kemaoeannja rahajat negri?” Ratoe Anna oelangken ini bebrapa perkata’an, sedeng alisnja mengkeroet; „wel wel, maarschalk, kau tentoe ada dalem bahaja sanget besar, maka kau maoe trima sampeken satoe pesenan begitoe roepa!”
Itoe perkata’an dikaloearken dengen soeara menjindir dan maarschalk dapet taoe maksoednja.
„Djangan goesar, njonja,” ia kata, „akoe boekan satoe advocaat, tapi satoe orang peprangan, oleh kerna itoe akoe tiada pande goenaken perkata'an; sabenernja akoe moesti bilang keinginannja atawa kemaoeannja rahajat negri. Tentang apa njonja soeda berkata, akoe doega Sri Baginda maoe bilang jang akoe berlakoe sebagi satoe pengetjoet.”
Sri Ratoe tersenjoem,
„Ja, akoe maoe mengakoe Sri Baginda," kata poela maarschalk, „betoel akoe telah rasa kwatir; ini ada katiga kalinja akoe dapetken itoe perkara, maski soeda doeablas lali akoe pergi toeroet maloemken prang dan bebrapa poeloe Kali soeda bertaroeng; ja, akoe telah dapet rasa kwatir dan akoe rasa lebi senang ada dj hadepannja Sri Baginda, maski Sri Baginda poenja tersenjoem ada mengantjem; akoe tiada soeka ada di antara itoe setan setan
