— 258 —
jang tiada taoe dari mana datengnja.
,,Bravo!" kata d’Artagman dengen berbisik pada Porthos, ,,itoe djawaban bagoes."
,,Abis begimana!" kata Sri Ratoe dengen gigit bibirnja, sedeng sekalian orang jang ada di itoe roeangan awasin satoe pada laen dengen bengong; ,,apa keinginannja rahajat negri ?"
,,Soepaja Broussel dilepas, njonja,“ kata maarschalk.
,,Tida!" kata Sri Ratoe ; ,Tida!"
,,Sri Baginda ada kwasa boeat kasi prenta," kata maarschalk de Melleraie dengen manggoet serta moendoer setindak."
,,Di mana kau maoe pergi, maarschalk ? menanja Ratoe Anna.
,,Kabarken penjaoetan Sri Baginda pada orang orang jang ada menoenggoe itoe kabar.”
,,Djangan pergi, maarschalk; akoe tiada soeka kau berboeat begitoe, kerna itoe perboeatan ada sama sebagi kau pergi berdami dengen orang peroesoehan."
,,Akoe telah berdjandji pada iaorang,"
,,Mengartinja ?"
,,Djikaloe Sri Baginda tiada prenta tahan akoe, akoe kepaksa boeat ketemoeken iaorang."
Matanja Ratoe Anna bertjahja sebagi kaloear api.
,,Kaloe tjoema sebagitoe sadjo, tiada soesa," kata Sri Ratoe; ,,orang jang deradjatnja lebi tinggi dari kau, akoe soeda kasi masoek dalem pendjara; Guitaut!"
Mazarin lompat di hadepanpja Sri Ratoe.
,,Njonja,“ ia kata, ,,djikaloe akoe di idzinken boeat kasi satoe nasehat."
,,Tentoe kau maoe bilang, lepas sadja Broussel, betoel apa tiada, toean? Djikaloe begitoe, lebi
