— 256 —
kasi satoe pikiran, apa kau maoe bilang?"
,,Njonja," kata kanselier dengen goegoep, ,,akoe kira baek Broussel dilepas sadja."
Ratoe Anna poenja moeka jang soeda poetjet telah djadi lebi poetjet lagi dan djadi sedikit kisoet.
,,Lepas Broussel, kau bilang? Tida!"
Itoe koetika kadengeran soeara tindakan orang djalan dan dengen tiada minta idzin lebi doeloe maarschalk de Lia Melleraie dateng masoek.
,,0! kau baroe poelang maarschalk,“ kata Sri Ratoe dengen girang, ,,akoe harep kau soeda bikin itoe orang banjak djadi beroba pikirannja."
,,Njonja,“ maarschalk menjaoet, ,,di Pont Neuf akoe poenja orang tiga jang tiwas djiwanja, di Hallen ampat orang, di tikoengan Arbresec straat doea orang dan di depan astana anem orang, sama sekali jang binasa limablas djiwa, sedeng bebrapa blas orang telah dapet loeka. Akoe poenja topi soeda ilang tiada ketaoean di mana djatonja dan seandenja coadjutor tiada dateng menoeloeng, tentoe akoe poenja diri soeda kedjadian sebagi akoe poenja topi."
,,Begitoe,” kata Sri Ratoe, ,,akoe tentoe boleh djadi boeat heran seandenja kau bilang jang itoe andjing taks dengen kakinja jang bengkok tiada ada toeroet dalem itoe gerakan.
,,Sri Baginda," kata de la Melleraie dengen tersenjoem, ,,akoe harep njonja tiada bitjara banjak djelek dari coadjutor, kerna boedi jang ia telah berboeat pada akoe, masi seger sekali."
,,Baek," kata Sri Ratoe, ,,inget ia poenja boedi sebagimana kau soeka, tapi itoe perkara blon boleh bikin akoe moesti bales boedi pada-
