— 255 —
Permisoeri; itoe kanselier lagi tjerita,begimana ia dikedjer oleh orang banjak, Kretanja soeda dibikin antjoer, ia lari ka astananja markies O., tapi sigra itoe roema dikepoeng dan dibikin roesak, Beroentoeng ia keboeroe disemboeniken oleh satoe boedjang toea dalem satoe Kamar ketjil sama sama bisschop dari Mesux. Koetika itoe orang oraag soeda masoek dalem astana, kanselier kira, temponja jang pengabisan soeda sampe, maka dengen itoe bisschop ia lantes sembajang, sedia boeat trima mati, tapi baek djoega iaorang tiada dateng dalem itoe kamar. Lantaran didoega, ia soeda lari teroes dari pintoe blakang, orang tjari legi padanja di laen tempat. Dengen berpake pakeannja markies O. ia soeda bisa djalan kaloear, di mana ia dapetken maitnja orang orang jang soeda anter padanja.
Sedeng kanselier lagi tjerita, Mazarin dateng masoek, Dengen plahan ia djalan sampe deket Sri Ratoe dan denger itoe tjerita.
"Abis!" kata Sri Ratoe sasoedanja kanselier brenti tjerita, "apa kau kira dari ini perkera ?"
— "Akoe kira ini perkara tiada boleh boeat maen maen, njonja!"
_ "Kau kira begimana kita moesti berboeat ?"
_ "Akoe ada satoe voorstel, tapi akoe tiada brani kaloearken, Sri Baginda.”
"Braniken sadja, toean," kata Sri Ratoe dengen tersenjoem menjindir, "perkara jang lebi koerang pantes kau brani berboeat.“
Kanselier poenja moeka djadi mera dan dengen goegoep ia kata bebrapa perkata’an jang ampir tiada bisa di denger.
"Sekarang boekan maoe. dibitjaraken perkara doeloe, tapi perkara ini waktoe,“ kata Sri Ratoe, "Baroesan kau bilang kau maoe
