— 254 —
poenja pikiran? Apa kau nanti berboeat dalem ini perkara ?“
„Akoe nanti lepas Broussel,“ kata Porthos.
„Toeroet akoe, toean toean, toeroet!“ bertreak Mazarin, „akoe nanti bitjaraken ini perkara dengen Sri Ratoe.“
Sasoedanja sampe deket pintoe astana ia brenti dan tanja:
„Akoe boleh harep kau orang poenja pertoeloengan, boekan ?“
„Kita tiada djoeal diri kita doea kali,“ kata d'Artagnan; „kita soeda teriket pada kau, kaloearken prenta dan kita nanti djalanken.“
―„Djikaloe begitoe, masoek dalem ini kamar dan toenggoe akoe.“
Mazarin djalan teroes pergi pada Sri Ratoe
XX
Kamar, dalem mana d'Artagnan dan Porthos diprenta mencenggoe, tjoema ditoetoep oleh satoe gordijn jang tiada sebrapa tebelnja, hingga ini doea sobat bisa denger dengen njata apa jang di kamar sebla lagi dibitjaraken antara Sri Ratoe dan Mazarin, sedeng di sela sela itoe gordijn orang boleh mengintip dan dapet liat apa jang kedjadian dalem kamar sebla.
Sri Ratoe ada keliatan berdiri, moekanja poetjet saking mara; tapi keliatannja ada begitoe taba, hingga orang ampir maoe doega, Sri Baginda tiada sekali merasa kwatir. Di blakangnja Sri Ratos ada keliatan Comminges Villequer dan Guitaut, di blakangnja itoe toean toean ada bebrapa njonja njonja
Di hadepannja Sri Ratoe ada berdiri kanselier Séguier, jang dosa poeloe taon lebi doeloe telah diprenta oleh Radjanja boeat preksa badannja
