— 229 —
Ia ada saorang jang kira kira oemoernja antara anem poeloe lima sampe anem poeloe delapan taon, badannja gemoek, ramboetnja poeti dan matanja ada sebagi mata binatang boeas. Dari moekanja orang bisa dapet doega, ia ada saorang jang tiada nanti sangsi boeat berboeat sala satoe perkara djahat, tapi keliatannja sabar, boleh djadi, lantaran ia soeda ada poenja satoe pakerdja'an jang berasil baek, ia tjoba tahan napsoenja jang koerang baek, atawa brangkali djoega, ia tiada maoe berboeat lagi perkara djahat lantaran menjesel atas perkara perkara jang ia sosda taoe berboeat.
Koetika dapet liat orang jang dateng sama sama itoe pastoor ada saorang bangsawan, ia djadi sedikit kaget dan awasin padanja dengen bengong.
Itoe doea toean toean langgar dengen oedjoeng djeridjinja itoe kwast jang basa, coadjutor lemparken oewang peraк ketjil di atas topi jang ada deket ember aer.
„Maillard,“ kata pastoor, „toean dan akoe dateng di sini boeat bitjara pada kau sakedjep sadja.“
„Bitjara pada akoe ?“ itoe pengemis tanja, „ini ada satoe kahormatan besar bagi satoe orang sebagi akoe.“
Itoe perkata'an soeda dikaloearken dengen swara menjindir jang Maillard tiada keboeroe tahan, lantaran mana coadjutor djadi heran.
„Ja,“ kata pastoor jang biasa denger swaranja Mallard, „kita dateng boeat menanja, begimana kau pikir dari hal perkara perkara jang telah kedjadian ini hari dan apa jang kau soeda denger dari orang orang jang dateng di sini.“
Itoe semoea ada perkara sedi, toean pastoor,
Doeapoeloe taon blakangan
29
