— 228 —
tiada ada jang kepalaken, tentoe riboetnja marika plahan plahan djadi padem sendiri.
Koetika ini doea orang djalan sampe di Prouvaires straat, pastoor oendjoek dengen tangannja ka djoeroesan pintoe gredja.
„Tjoba liat, ia ada di tempataja,“ kata itoe pastoor.
Coadjutor liat djoeroesan jang dioendjoek padanja dan dapet liat saorang toea dengen pakean roesak doedoek di tangga gredja dengen besender di tembok. Di depannja ada satoe ember dengen aer dan satoa kwast.
„Siapa toeloeng padanja, maka ia boleh doedoek di itoe tempat ?“ menanja coadjutor.
―„Tiada ada jang toeloeng, Monseigneur, ia soeda ambil over itoe pakerdja'an dari orang jang biasa bagi itoe aer gredja.“
―„ Ambil over?“
―„Ja, pakerdja'an begitoe roepa biasa didjoeal; akoe denger, ini orang soeda beli itoe pakerdja'an dengen saratoes pistool.“
―„Kaloe begitos itoe orang ada mampoe.“
―„Antara orang orang jang biasa djalanken pakerdja'an mengemis ada djoega jang pada waktoe ja meninggal tinggalken oswang dari doea poeloe, doea poeloe lima sampe tiga poeloe riboe francs.“
„Hm!“ kata coadjutor dengen tersenjoem, „akoe tiada sekali doega, oewang jang akoe dermaken pada iaorang digoenaken begitoe baek.“
Iaorang djalan sampe di depan gredja dan koetika baroe sadja iaorang angkat kaki boeat bertindak naek tangga gredja, itoe orang lantes berbangkit dari tempatnja dan angsoerken itoe kwast jang lebi doeloe soeda dibikin basa dengen aer jang ada di ember.
