— 216 —
loear kota dan di djalan koetika ia dibawa tiada ada kedjadian satoe apa; Blancmesnil djoega soeda ditangkep dan dibawa ka pendjara di Vincennes, ia soeda ditangkep dengen gam- pang sadja.
Comminges ada pada Sri Ratoe jang lagi minta dikasi ketrangan begimana soeda kedjadian dengen tangkepannja Broussel dan sekalian orang jang ada lagi denger Comminges tjeritaken itoe perkara. Sedeng ia lagi tjerita pintoe diboeka dan Comminges dapet liat d'Artagnan ada djalan di blakangnja Mazarin,
O, njonja," kata Comminges dengen hampirken d'Artagnan, ini dia itoe orang jang bisa kasi ketrangan lebi baek, kerna ia jang soeda toeloeng akoe poenja djiwa, Seandenja ia tiada dateng menoeloeng, tentoe ini waktoe akoe ada di sebla bawa pintoe aer Saint Cloud; kerna iaorang sasoenggoenja ada niatan boeat lemparken akoe dalem soengi La Seyne. Bitjara, d'Artagnan, bitjara !
Selamanja d'Artagnan diangkat djadi luitenant dari barisan musketier ia sring ada deket pada Sri Ratoe, tapi Sri Baginda blon perna bitjara padanja.
Kenapa kau tinggal diam sadja, toean, sasoedanja kau berboeat satoe pahala begitoe besar?" Ratoe Anna menanja.
Njonja," kata d'Artagnan,,akoe tiada perloe bilang satoe apa melaenken kasi taoe, akoe poenja djiwa selamanja ada sedia boeat bela Sri Baginda poenja hak dan pada waktos akoe moesti boeang ini djiwa boeat itoe oeroesan, akoe nanti rasa sanget senang hati bisa berboeat itoe perkara."
,Akoe taoe, toean, soeda lama akoe taoe ini
