— 192 —
Ratoe dapst liat Comminges jang berdiri deket. padanja, menoenggoe boeat djalanken satoe prenta jang lebi doeloe, sablonnja iaorang brangkat dari astana, soeda dipesen pada ini officier, maka dengen swara plahan Sri Ratoe Kata:
"Pergi, Comminges, Allah lindoengken kau !"
Comminges djalan kaloear menoedjoe ka Saint Cristophestraat.
Friquet jang dapet liat itoe officier dengen berpake pakean bagoes dianter oleh doea soldadoe lantes ia tosrcen dari tempatnja dan ikoetin itoe officier, apapoela memang perkara sembajang soeda slese dan Radia telah naek kombali kretanja boeat brangkat poelang.
Baroe sadja itoe officier politic jang semboebi dalem kreta dapet liat Comminges djalan ka itoe djalanan Saint Cristophe, ia lantes prenta koesir madjoeken itoe Kreta ka depan roemanja toean Broussel.
Tiada lama poela Comminges sampe djooga dan ketok pintoenja tceean Broussel
Friquet berdiri di blakangnja Commminges boeat liat, apa itoe pintoe nanti diboeka.
"Apa kau bikin di sini, binatang ?" menanja Comminges,
"akoe maoe ketemoe toean Brouasel," kata Friquet dengen soeara renda, satoe tipoe jan anak anak nakal di Parijs biasa poenaken, apabila jaorang ada poenja niatan koerang baek.
"Djadi betoel ia tinggal di sini?” kata Comminges.
— "Betoel, toean.”
- "Di tingkatan jang mana ia tinggal?"
— "Seanteronja, ini roema ada ia poenja sendiri
