— 193 —
—Di mana biasanja ia ada ?"
—„Ia bekerdja di tingkatan kadoea, boeat dahar ia toeroen ka tingkatan pertama. Pada ini waktoe tentoe ia lagi doedoek dahar, kerna sekarang soeda djem poekoel doeablas."
„Baek," kata Comminges.
Itoe koetika pintoe diboeka. Comminges minta ketrangan pada boedjang, dari siapa ia dapet taoe, toean Broussel ada di roema dan betoel lagi doedoek bersantab. Comminges teroes ikoet masoek dan Friquet djalan di blakangnja Comminges.
Broussel lagi doedoek dahar sama sekalian familienja, di sebla kanan dan kiri ada doedoek ia poenja anak anak prempoean, di sebrangnja ia poenja istri dengen anaknja lelaki, jang bernama Louvieres. Broussel jang soeda baek dari sakitnja lantaran ditoebroek oleh d'Artagnan lagi dahar boes abrikoos jang lesat rasanja, jaitoe boea boea jang ia baroe trima dari njonja hertogin de Longueville.
Koetika boedjang maoe boeka pintos kamar makan boeat kabarken ada tetamoe, Comminges tahan tangannja itoe boedjang dan ia sendiri boeka itoe pintoe, maka ia lantes ada di depan toean roema dengen familienja jang masi doedoek berkoempoel di medja makan.
Koetika Broussel dapet liat dengen kaget itoe orang jang tiada dioendang ia telah djadi sedikit bingoeng, tapi tatkala itoe toean kasi hormat dengen pantes, Broussel herbangkit dari korsinja dan bales hormat.
Maski ini toean toean kasi hormat satoe pada laen, orang orang prempoean jang ada di itoe tempat telah djadi bingoeng dan kwatir; Louvieres poenja moeka djadi sanget poetjet dan
