— 186 —
anak anak djalan menoedjoe ka Notre Dame.
Toko toko ditoetoep, roema roema keliatannja soenji, sekalian pendoedoek kota Parijs pergi di Notre Dame, kerna ingin liat Radja dengen iboenja, sekalian maoe liat djoega itoe Mazarin jang sanget dibentji.
Swara dari orang orang jang bitjara di djalanan soeda djadi begitoe riboet, hingga lotjeng besar di gredja jang diboenjiken ampir tiada kadengeran swaranja. Iaorang sanget merdika boeat bitjaraken masing masing poenja pikiran dan oleh kerna itoe masing masing poedji iaorang poenja haloean, hingga itoe orang banjak jang lebi doeloe blon toeroet sala satoe fihak djadi toeroet tjampoer moeloet djoege, maka swara riboet dari orang orang jang bereboet bitjara djadi semingkin rioe swaranja.
Itoe pagi djem poekoel delapan barisan pendjaga Sri Ratoe dikapalaken oleh Guitaut soeda diatoer bederek dari astana Palais Royal sampe di gredja Notre Dame, satos pemandangan jang sanget disoeka oleh pendoedoek kota Parijs, jang memang soeka liat pakean bagoes dan soeka djoega denger muz'ek militair.
Friquet, itoe anak moeda jang djadi pembantoe pada Bazin, itoe pagi dateng dengen pakean netjis, sedeng pipinja keliatan bengkak, ia minta idzin soepaja itoe pagi ia tiada oesa toeroet menjanji di gredja sebab pipinja sakit, tapi sabenernja ia ada kemoe bebrapa banjak bidji boea kers.
Lebi doeloe Pazin jang itoe koetika lagi oering oeringan tiada soeka kasi idzin; Bazin hatinja mendongkol lantaran Aramis soeda brangkat dengen tiada kasi taoe, di mana ia maoe pergi, dan itoe bari ia moesti batjaken
