— 185 —
pamerenta, menang prang di loear negri dan menang dalem dalem oeroesan dalem negri, hingga Radja djadi sanget senang hatinja koetika denger itoe kabar dan telah kata:
,,.O! sekarang akoe maoe liat, apa itoe toean toean dari parlement nanti kata lagi."
Ratoe Anna koetika denger itoe treakan tiada bisa tahan hatinja lagi, Sri Baginda boeroe dan peloek poetranja. Itoe malem djoega lantes dibikin vergadering, di mana telah dioendang maarschalk de La Meileraie dan toean de Villeroy, kerna ini doea orang ada toeroet tihaknja Mazarin, toean toean Chavigny dan Seguir, kerna iaorang bentji pada parlement serta Guitaut dan Commingues, kerna iaorang tinggal setia pada Sri Ratoe.
Apa jang soeda dibitjaraken dalem itoe vergadering orang loear tiada dapet taoe satoe apa. Orang tjoema denger, pada hari Minggoe jang ranti dateng maoe dibikin sembajang besar di gredja Notre Dame bosat mengoetjap trima kasi balatentara Frans soeda kalaken moesoenja.
Pada itoe hari Minggoe jang ditentoeken boeat itoe sembajang sekalian pendoedoek kota Parijs berbangkit dari pembaringannja dengen senang pikiran, kerna pada itoe masa satoe sembajang besar di gredja dianggep sebagi satoe pesta moelia. Itoe tatkala orang blon brani hinaken perkara gredja, sebagimana orang sekarang brani berboeat. Matahari terbit itoe hari lebi terang dari biasa, sebagi satoe tanda, mata. hari djoega maoe toeroet bikin rame itoe pesta. Sekalian djalanan dan depan roema roema diriasken bagoes dan sepandjang djalan keliatan toean toean, koeli koeli, njonja njonja dan
