— 184 —
,,Sampe kita ketemoe lagi di negri Inggris, toean toean !"
XVI.
Itoe hari Permisoeri Inggris denger, di loear astana sanget riboet orang djalan pergi dateng, tapi ia tiada bisa doega, itoe swara riboet soeda djadi lantaran rahajat negri toeroet senangken hatinja dapet kabar dari hal kamenangan prang di Lens, Kabar dari hal menang prang prins de Conde sengadja telah prenta hertog de Chatillon sampeken pada pamerenta di Parijs, kerna ini hertog telah berbo eat banjak pabala dalem itoe peprangan. Doeapoeloe doea bendera dari orang Spanjol dan orang Lotharingen jang telah dapet dirampas dari tangan moesoe diatoer berderek di atas gredja Notre Dame.
Itoe kabar soeda bikin poetoes tjidra antara parlement dengen Kardinaal. Mazarin poenja voorstel boeat bikin ada bebrapa roepa belasting baroe dengen alesan, itoe oewang sanget perloa dipake goenanja balatentara, djadi boeat bela kahormatannja negri Frans, telah dito elak oleh parlement, kerna seabisnja dapet kabar dari hal keroesakan besar pada balatentara waktoe maloemken prang di Nordlingen, senantiasa diwartaken sadja, balatentara dikasi moendoer boeat dapat tempat jang baek, di mana iaorang boleh menjerang moesoe dengen harepan bisa dapet kamenangan, tapi blon djoega ada kabar, angkatan prang negri soeda bisa kalaken moesoenja, maka orang orang parlement tiada Boeka kasi kaloear lagi oewang boeat itoe oeroesan. Tapi sekarang betoel betoel soeda ada kabar, moesoe dapet dikalaken, djadi itoe perkara djadi doea roepa kamenangan boeat
